APL+ ຈັດກອງປະຊຸມ ທົບທວນຄືນ ແລະ ປັບປຸງແຜນຍຸດທະສາດໃໝ່

APL+ ຈັດກອງປະຊຸມ ທົບທວນຄືນ ແລະ ປັບປຸງແຜນຍຸດທະສາດໃໝ່

ກອງປະຊຸມທາງໄກ ແລະ ຊ້ອງຫນ້າ ເພື່ອທົບທວນຄືນ ແລະ ປັບປຸງແຜນຍຸດທະສາດໃໝ່ຂອງສະມາຄົມເຄືອຂ່າຍຜູ້ຕິດເຊື້ອເຮສໄອວີ/ເອດ (APL+) ໄດ້ຈັດຂື້ນ ໃນວັນທີ 12 ເມສາ 2022 ທີ່ ໂຮງແຮມລາວພລາຊ່າ ນະຄອນຫຼວງວຽງຈັນ ໂດຍການເປັນປະທານຂອງ ທ່ານ ດຣ.ພູທອນ ສຸດທະລັກ ຫົວໜ້າສູນຕ້ານເອດ ແລະ ພະຍາດຕິດຕໍ່ທາງເພດສຳພັນ ທ່ານທອງແດງ ສີລາກຸນ ຕາງໜ້າອົງການສະຫະປະຊາຊາດຕ້ານເອດປະຈຳລາວ ແລະ ທ່ານກໍລະກັນ ທິບພະວົງ ປະທານສະມາຄົມເຄືອຂ່າຍຜູ້ຕິດເຊື້ອເຮສໄອວີ/ເອດ ພ້ອມດ້ວຍ ຕາງໜ້າອົງການຈັດຕັ້ງສັງຄົມລາວ(LCSO) UN Agencies ແລະ ສາກົນ(INGO) ທີ່ປຶກສາຕ່າງປະເທດ ອາສາສະໝັກ ທີມງານຂອງສະມາຄົມ ແລະ ພາກສ່ວນທີ່ກຽວຂ້ອງເຂົ້າຮ່ວມຢ່າງພ້ອມພຽງ.
 
ເຊິ່ງໃນທີປະຊຸມ ທ່ານ ດຣ.ທອງແດງ ສີລາກຸນ ໄດ້ກ່າວຄວາມສຳຄັນ ແລະ ຈຸດປະສົງລວມ ໃນການປັບປຸງແຜນຍຸດທະສາດຂອງສະມາຄົມເຄືອຂ່າຍ ຮ່ວມ ກັບອົງການສະຫະປະຊາດຊາດຕ້ານເອດ ແລະ ທີ່ປຶກສາຈາກຕ່າງປະເທດວ່າມີຂໍ້ສະດວກຂໍ້ຫຍຸ້ງຍາກແນວໃດເພື່ອໃຫ້ແຜນຍຸດທະສາດ ຫຼື ແຜນດຳເນີນງານສະບັບໃໝ່ນີ້ສອດຄ່ອງ ແລະ ສະໜັບສະໜູນທິດທາງນະໂຍບາຍແຫ່ງຊາດຕ້ານເອດ.ທັງນີ້ກໍເພື່ອໃຫ້ນຳໄປສູ່ຜົນປະໂຫຍດສູງສຸດແກ່ຜູ້ຕິດເຊື້ອເຮສໄອວີ/ເອດ ໃນ ສປປ.ລາວ.
 
ແລະ ນອກຈາກ ສອດຄ່ອງ ແລະ ສະໜັບສະໜູນນະໂຍບາຍແຫ່ງຊາດຕ້ານເອດໃນປະເທດລາວແລ້ວ ແຜນຍຸດທະສາດຂອງເຮົານີ້ ມັນຕ້ອງສອດຄ່ອງກັບແຜນຍຸດທະສາດ ຫຼື ທິດທາງຖະແຫຼ່ງການ ຂອງອົງການສະຫະປະຊາດຕ້ານເອດຂອງໂລກ ວ່າດ້ວຍການສິ້ນສຸດໂລກເອດໃນປີ 2030 ເຊິ່ງເນື້ອໃນຖະແຫຼງການນັ້ນເວົ້າເລື່ອງ ວິທີການເຮັດແນວໃດໃຫ້ຜູ້ຕິດເຊື້ອເຂົ້າເຖິງການບໍລິການ ການສ້າງຄວາມເຂັ້ມແຂງ ການແກ້ໄຂປັນຫາ ການຂາດການຕິດຕາມ ການຕາຍ ແລະ ປັນຫາການຈຳແນກລັງກຽດ ທຸກສິ່ງທຸກຢ່າງ ແມ່ນເຮັດແນວໃດໃຫ້ ໃຫ້ເກີດປະໂຫຍດສູງສຸດສຳຫຼັບຜູ້ຕິດເຊື້ອ.
ດຣ.ພູທອນ ສຸດທະລັກ ກ່າວມີຄຳເຫັນຕໍ່ກອງປະຊຸມ “ຄຳວ່າ ຍຸດທະສາດ ແມ່ນມີຄວາມໝາຍອັນເລິກເຊິ່ງ ຖ້າເຮົາເຮັດວຽກໃດວຽກໜຶ່ງ ຖ້າບໍ່ມີຍຸດທະສາດ ເຮົາຈະບໍ່ສາມາດບັນລຸເປົ້າໝາຍທີ່ເຮົາວາງໄວ້ໄດ້ ເພາະວ່າຍຸດທະສາດ ມັນແມ່ນ ແນວທາງ ແມ່ນທິດຊີ້ນຳເພື່ອຈະເຮັດແນວໃດໃຫ້ເຮົາບັນລຸເປົ້າໝາຍ ແລະ ເພື່ອໃຫ້ຍຸດທະສາດມີຄວາມໝັກແໜ້ນ ແລະ ປະກົດຜົນເປັນຈິງ ເຮົາຕ້ອງພ້ອມກັນ ສ້າງແຜນງານຂື້ນມາ ເພື່ອໃຫ້ຍຸດທະສາດນັ້ນບັນລຸເປົ້າໝາຍຕາມທີ່ເຮົາກຳນົດໄວ້.ແຜນຍຸດທະສາດໃນມື້ນີ້ ຈະເປັນບ່ອນອິງ ໃນການຈັດຕັ້ງປະຕິບັດແຜນງານ ແລະ ເປັນເຄື່ອງມືໃນການລະດົມທຶນຂອງພວກເຮົາ ອັນນີ້ຖືວ່າມີຄວາມໝາຍສຳຄັນທີ່ສຸດ.
 
ມາຮອດປະຈຸບນີ້ ບ້ານເຮົານອກຈາກຈະປະເສີນໜ້າກັບໂຄວິດ-19 ແລ້ວ ເຊື້ອເຮສໄອວີມັນກໍຍັງຄຽງຄູ່ໄປກັບການລະບາດຂອງໂຄວິດ ແຕ່ລະປີເຮົາພົບຜູ້ຕິດເຊື້ອບໍ່ຕ່ຳກວ່າ 1500 ກວ່າຄົນ ອັນນີ້ແມ່ນເຮສໄອວີ ຍາມໃດກໍເປັນໄພຄຸກຄາມຕໍ່ພວກເຮົາຕະຫຼອດມາ. ແລະ ການລະບາດພະຍາດໂຄວິດ ເຮັດໃຫ້ເຮົາເຮັດວຽກບໍ່ໄດ້ຕາມແຜນການ ບໍ່ໄດ້ຈັດຕັ້ງປະຕິບັດຕາມແຜນທີ່ວາງໄວ້ ແລະ ການເຂົ້າເຖິງກຸ່ມເປົ້າໝາຍກໍບໍ່ໄດ້ຕາມເປົ້າໝາຍແຫ່ງຊາດ ເຂົ້າເຖິງພຽງແຕ່ 4% ເຂົ້າເຖິງນ້ອຍບໍ່ແລ້ວ ເຮົາຍັງພົບຜູ້ຕິດເຊື້ອສູງເຖີງ 14% ອັນນີ້ຊີ້ໃຫ້ເຫັນວ່າ ໂຄວິດລະບາດມັນກໍມີຜົນກະທົບຕໍ່ວຽກງານຕອບໂຕ້ເຮົາເຊັ່ນດຽວກັນ.ແຕ່ມື້ນີ້ຂ້າພະເຈົ້າດີໃຈທີ່ມີແຜນຍຸດທະສາດ ເພື່ອເຮັດແນວໃດໃຫ້ຜູ້ທີ່ຖືກຜົນກະທົບໄດ້ຮັບການບໍລິການທີ່ມີຄຸນນະພາບ ແລະ ເຂົ້າເຖີງງ່າຍ.
 
ຫຼັງຈາກນັ້ນ ທ່ານພັທະມິດ ແສງປັນຍາ ຜູ້ອຳນວຍການ ສະມາຄົມເຄືອຂ່າຍຜູ້ຕິດເຊື້ອເຮສໄອວີ/ເອດ ນຳສະເໜີ ພາບລວມການການຮ່ວມມືປັບປຸງແຜນຍຸດທະສາດກັບໜ່ວຍງານທີ່ກຽວຂ້ອງ ເຊິ່ງຍຸດທະສາດຂອງຂອງສະມາຄົມ ຫຼັກໆແມ່ນເພື່ອປັບປຸງຄຸນນະພາບຊີວິດການເປັນຢູ່ ບໍ່ວາຈະເປັນວຽກງານໂພສະນາການ ການສຶກສາ ແລະ ການສົ່ງເສີ່ມວິຊາຊີບ ຫຼື ການຫາລາຍໄດ້ໃຫ້ຜູຕິດເຊື້ອເຮສໄອວີເອດໃນສປປ.ລາວ. ຕໍ່ຈາກນັ້ນ,ເປັນວາລະການປະກອບຄວາມຄິດເຫັນຈາກຜູ້ເຂົ້າຮ່ວມ ແລະ ອົງການທີ່ກ່ຽວຂ້ອງ ທັງອອນລາຍ ແລະ ຊ້ອງໜ້າ ມີຄວາມຄິດເຫັນຈາກຕາງໜ້າອົງການຈັ້ງຕັ້ງສັງຄົມລາວ ແລະ ສາກົນຫຼາຍທ່ານທີ່ສຳຄັນ ແລະ ເປັນປະໂຫຍດຫຼາຍ ເພື່ອປະກອບສ່ວນເຂົ້າໃນການປັບປຸງແຜນຍຸດທະສາດຂອງພວກເຮົາໃຫ້ມີຄວາມສົມບູນຂື້ນເຕີ່ມ.
ມູນນິທິດູແລປິ່ນປົວພະຍາດເອດ ສຶບຕໍ່ສະໜັບສະໜູນວຽກງານສະກັດກັ້ນປິ່ນປົວຜູ້ຕິດເຊື້ອເຮສໄອວີ

ມູນນິທິດູແລປິ່ນປົວພະຍາດເອດ ສຶບຕໍ່ສະໜັບສະໜູນວຽກງານສະກັດກັ້ນປິ່ນປົວຜູ້ຕິດເຊື້ອເຮສໄອວີ

ພິທີເຊັນບົດບັນທຶກຄວາມເຂົ້າໃຈ (MOU) ລະຫວ່າງ ທ່ານ ດຣ. ພູທອນ ສຸນທະລັກ ຫົວໜ້າສູນຕ້ານເອດ ແລະ ພະຍາດຕິດຕໍ່ທາງເພດສຳພັນ ຕາງໜ້າກະຊວງສາທາລະນະສຸກ ແລະ ທ່ານນາງ ດຣ. ຈິນຕະນາ ສົມຄະເນ ຜູ້ປະສານງານໂຄງການ ມູນນິທິປິ່ນປົວພະຍາດເອດ (AHF) ປະຈຳລາວ ໃນ “ໂຄງການຮ່ວມມືເພື່ອປັບປຸງວຽກງານການສະກັດກັ້ນ ແລະ ຕ້ານເຊື້ອເຮສໄອວີ/ພະຍາດເອດ ແລະ ພະຍາດຕິດຕໍ່ທາງເພດສຳພັນ ຢູ່ ສປປ.ລາວ (ໄລຍະທີ II) 2022-2025” ສະມາຄົມເຄືອຂ່າຍຜູ້ຕິດເຊື້ອເຮສໄອວີ/ເອດ (APL+) ເປັນໜຶ່ງໃນບັນດາຜູ້ຂົ້າຮ່ວມ ແລະ ຈະເປັນຄູ່ຮ່ວມງານຈັດຕັ້ງປະຕິບັດກິດຈະກຳໃນໂຄງການດັ່ງກ່າວ.
 
ພິທີໄດ້ຈັດຂື້ນແບບຊ້ອງໜ້າ ແລະ ທາງໄກ ໃນວັນທີ 29 ມີນາ 2022 ນີ້ ທີ່ ໂຮງແຮມແລນມາກ ນະຄອນຫຼວງວຽງຈັນ ໂດຍ ພາຍໃຕ້ການເປັນປະທານຂອງ ທ່ານ ລັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ທ່ານ ຈິມ ສາຣາດ ຫົວໜ້າຫ້ອງການ AHF ພາກພື້ນປະຈໍາກຸງພະນົມເປັນ ປະເທດກໍາປູເຈຍ ແລະ ທ່ານ ຢູກັງ ບາວ ຮອງຫົວໜ້າຫ້ອງການ AHF ພາກພື້ນປະຈໍາກຸງປັກກິ່ງ ສປ ຈີນ ພ້ອມດ້ວຍບັນດາຄະນະກົມ ຫົວໜ້າພະແນກ ອຳນວຍການໂຮງໝໍ ຫົວໜ້າສູນ ຫົວໜ້າສະມາຄົມ ເຂົ້າຮ່ວມ.
 
ທ່ານ ລັດຕະນະໄຊ ເພັດສຸວັນ ກ່າວວ່າ: ການເຊັນບົດບັນທຶກຄວາມເຂົ້າໃຈໃນຄັ້ງນີ້ມີຄວາມສຳຄັນ ຊຶ່ງເປັນໜຶ່ງໃນແຜນງານການຈັດຕັ້ງປະຕິບັດວຽກງານສະກັດກັ້ນ ແລະ ຕ້ານເຊື້ອເຮສໄອວີ/ພະຍາດເອດ 4 ປີ (2022-2025) ຊຶ່ງຈຸດປະສົງຫຼັກເພື່ອເພີ່ມທະວີການເຂົ້າເຖິງວຽກງານປ້ອງກັນ ແລະ ການກວດເລືອດ ເພື່ອຊອກຫາການຕິດເຊື້ອ HIV/Shiplaylis ໃນກຸ່ມປະຊາກອນທີ່ມີຄວາມສ່ຽງ ແລະ ສົ່ງຕໍ່ຜູ້ທີ່ເຫັນວ່າມີຜົນບວກ ເພື່ອເຂົ້າຮັບການປິ່ນປົວ, ຄຽງຄູ່ກັບການຕໍ່ສູ້, ຄວບຄຸມພະຍາດໂຄວິດ-19 ພວກເຮົາຍັງສູ້ຊົນບັນລຸໃຫ້ໄດ້ເປົ້າໝາຍແບບເລັ່ງລັດ (Fast-Tract) ຂອງອົງການສະຫະປະຊາຊາດຕ້ານເອດ (UNAIDS) ຄື: ພາຍໃນປີ 2025 ຈະຕ້ອງບັນລຸເປົ້າໝາຍໃໝ່ໃນການປິ່ນປົວໃຫ້ໄດ້ 95-95-95 ແລະ ພ້ອມນີ້ຈະກຽມພ້ອມຢຸດຕິການແຜ່ລະບາດຂອງເຊື້ອເຮສໄອວີ ແລະ ບັນລຸເປົ້າໝາຍການພັດທະນາແບບຍືນຍົງ (SDC) ໃນປີ 2030 ຊຶ່ງແມ່ນຄວາມຮັບຜິດຊອບຂອງພວກເຮົາ ຊຶ່ງມີຄວາມທ້າທາຍຫຼາຍທີ່ຈະບັນລຸໄດ້.
 
ປັດຈຸບັນປະເທດຂອງພວກເຮົາປະສົບຂໍ້ຫຍຸ້ງຍາກຫຼາຍດ້ານ ແລະ ມີບັນຫາທາງດ້ານງົບປະມານ, ດ້ານການຕອບໂຕ້ຕໍ່ເຊື້ອເຮສໄອວີ ພະຍາດເອດ ຍັງມີຫຼາຍສິ່ງທ້າທາຍຄື: ແຮງງານເຄື່ອນຍ້າຍກໍມີຫຼາຍ ເຮັດໃຫ້ມີຄວາມສ່ຽງຕໍ່ການຕິດເຊື້ອເຮສໄອວີ, ແຕ່ລະປີຍັງມີຜູ້ຕິດເຊື້ອຫຼາຍກວ່າ 1.500 ຄົນ, ກຸ່ມຊາຍມີເພດສໍາພັນກັບຊາຍ ຍັງຕິດເຊື້ອສູງ, ການສົ່ງເຊື້ອຈາກແມ່ຫາລູກກໍເຫັນວ່າມີທ່າອ່ຽງສູງຂຶ້ນ, ນໍ້າຢາກວດເລືອດຊອກຫາການຕິດເຊື້ອເຮສໄອວີ ຍັງບໍ່ທັນພຽງພໍ, ຜູ້ຕິດເຊື້ອເຮສໄອວີ ແລະ ຜູ້ທີ່ເປັນພະຍາດເອດຍັງຂາດການຕິດຕາມຫຼາຍ ແລະ ການກິນຢາກໍຍັງບໍ່ທັນຕໍ່ເນື່ອງ ແລະ ເປັນປົກກະຕິ, ຍ້ອນມີສະພາບການລະບາດຂອງພະຍາດໂຄວິດ ແລະ ຂາດງົບປະມານໃນການເດີນທາງເຂົ້າມາຮັບການບໍລິການກວດສຸຂະພາບ ແລະ ມາຮັບຢາ.ໃນປີ 2022 ມີຜູ້ທີ່ຕ້ອງການປິ່ນປົວດ້ວຍຢາ ARV ເພີ່ມຂຶ້ນ ຊຶ່ງປັດຈຸບັນທົ່ວປະເທດຜູ້ມີໜ້າກິນຢາຕົວຈິງພຽງແຕ່ 8.864 ຄົນ.
 
ໂຄງການ AHF ໄດ້ໃຫ້ການສະໜັບສະໜູນດ້ານງົບປະມານໃນການເຂົ້າເຖິງກຸ່ມປະຊາກອນທີ່ມີຄວາມສ່ຽງຕໍ່ການຕິດເຊື້ອເຮສໄອວີ ໃນໄລຍະຜ່ານມາ ໂດຍສະເພາະແມ່ນວຽກງານປິ່ນປົວດູແລຜູ້ຕິດເຊື້ອເອດນັບແຕ່ປີ 2013-2021 ແລະ ໃນມື້ນີ້ທາງໂຄງການ AHF ໄດ້ສືບຕໍ່ສະໜັບສະໜູນດ້ານງົບປະມານ 21 ຕື້ 651 ລ້ານກວ່າກີບໃນອີກ 4 ປີຕໍ່ໜ້າ (2022-2025) ຊຶ່ງເປັນການຊ່ວຍເຫຼືອເພື່ອປັບປຸງວຽກງານສະກັດກັ້ນ ແລະ ຕ້ານເຊື້ອເຮສໄອວີ/ພະຍາດເອດຢູ່ລາວໃຫ້ມີຄວາມເຂັ້ມແຂງ.
ກອງປະຊຸມ ເພີ່ມທະວີການມີສ່ວນຮ່ວມເພື່ອຫລຸດຜ່ອນການຈຳແນກລັງກຽດ ແລະ ການຊອກຫາບັນຫາຂອງຊາວໜຸ່ມ

ກອງປະຊຸມ ເພີ່ມທະວີການມີສ່ວນຮ່ວມເພື່ອຫລຸດຜ່ອນການຈຳແນກລັງກຽດ ແລະ ການຊອກຫາບັນຫາຂອງຊາວໜຸ່ມ

ສະມາຄົມເຄື່ຶອຄ່າຍຜູ້ຕິດເຊື້ອເຮສໄອວີ/ເອດ (APL+) ຮ່ວມກັບ ກົມຂະບວນການຊາວໜຸ່ມ ສູນກາງຊາວໜຸ່ມປະຊາຊົນປະຕິວັດລາວ(ສຊປລ) ຈັດພິທີຝຶກອົບຮົມເພີ່ມທະວີການມີສ່ວນຮ່ວມເພື່ອຫລຸດຜ່ອນການຈຳແນກລັງກຽດ ແລະ ການຊອກຫາບັນຫາຂອງຊາວໜຸ່ມ ໄດ້ຈັດຂຶ້ນໃນວັນທີ 17 ມິນາ 2022 ນີ້, ຢູ່ທີ່ ຫ້ອງປະຊຸມໃຫຍ່ ສຊປລ ໂດຍການເປັນປະທານຮ່ວມເປີດພິທີຂອງທ່ານ ພັດທະນົງ ລາສີ ຮອງຫົວໜ້າກົມຂະບວນການຊາວໜຸ່ມ ສຊປລ ທ່ານ ພັນທະມິດ ແສງປັນຍາ ອຳນວຍການສະມາຄົມເຄື່ອຄ່າຍຜູ້ຕິດເຊື້ອເຮສໄອວີ/ເອດ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ຈຸດປະສົງເພື່ອເພີ່ມທະວີການມີສ່ວນຮ່ວມເພື່ອຫລຸດຜ່ອນການຈຳແນກ ແລະ ຜູ້ຕິດເຊື້ອເຮສໄອວີ ໂດຍສຸມໃສ່ຄົ້ນຄວ້າປະກອບຄຳເຫັນ ແລະ ຕົກລົງເປັນເອກະພາບບາງເນື້ອໃນສຳຄັນດັ່ງນີ້:
 
– ແຜນຍຸດທະສາດຂອງສະມາຄົມເຄື່ອຄ່າຍຜູ້ຕິດເຊື້ອ ແລະ ບັນຫາສິ່ງທ້າທາຍ.
– ຮູບແບບຂອງການຈັດຕັ້ງປະຕິບັດກິດຈະກຳທີ່ສະມາຄົມເຄື່ອຄ່າຍເຮັດຜ່ານມາ ແລະ ວາງທິດທາງແຜນການກິດຈະກຳໃນຕໍ່ໜ້າເພື່ອໃຫ້ແທດເໝາະກັບກຸ່ມເປົ້າໝາຍໂດຍສະເພາະແຜນຮ່ວມງານຮ່ວມກັບກົມຂະບວນການຊາວໜຸ່ມ ສຊປລ.
– ປະເມີນສະພາບຄວາມເປັນຈິງຂອງໜ້າວຽກຮູບແບບຂອງການເຮັດວຽກພ້ອມທັງປັບປຸງແກ້ໄຂຈຸດຄົງຄ້າງຕ່າງໆເພື່ອເຮັດໃຫ້ການຈັດຕັ້ງປະຕິບັດໄດ້ຮັບໝາກຜົນສູງຂຶ້ນ.
– ເພື່ອຫລຸດຜ່ອນການຈໍາແນກຜູ້ຕິດເຊື້ອໃນຄອບຄົວ, ຊຸມຊົນລວມທັງຈຳແນກຕົວເອງຜູ້ຕິດເຊື້ອເຮສໄອວີ, ຜູ້ຕິດເຊື້ອສາມາດເຂົ້າເຖິງບໍລິການສຸຂະພາບ ແລະ ໄດ້ກິນຢາຢ່າງຕໍ່ເນື່ອງໃນສະຖານທີ່ບໍລິການໃຫ້ບັນລຸເປົ້າໝາຍຍຸດທະສາດປິ 2025.
– ເພື່ອຫລຸດຜ່ອນຜູ້ຕິດເຊື້ອເຮສໄອວີໃນຖັນແຖວຊາວໜຸ່ມ-ເຍົາວິຊົນ.
 
ໃນພິທີບັນດານັກສຳມະນາກອນຍັງໄດ້ຮັບຮູ້ການຖ່າຍທອດຄວາມຮູ້ປະສົບການກ່ຽວກັບວິທີການປ້ອງກັນເຊື້ອເຮສໄອວີລວມທັງຂໍ້ມູນຂ່າວສານການໃຫ້ບໍລິການຕໍ່ຜູ້ຕິດເຊື້ອດັ່ງກ່າວ. ເຊິ່ງໄດ້ຮັບເຊີນນັກວິທະຍາກອນບັນລະຍາຍ ແລະ ໃຫ້ຄວາມຮູ້ກ່ຽວກັບວິທີປ້ອງກັນເຊື້ອເຮສໄອວີ ຈາກສະມາຄົມເຄືອຄ້າຍຜູ້ຕິດເຊື້ອເຮສໄອວີ/ເອດ. ການຝຶກອົບຮົມໃນຄັ້ງນີ້ຈະດຳເນີນໄປເປັນເວລາໜຶ່ງວັນ.
APL+ ສຶບຕໍ່ຢ້ຽມຢາມສະມາຊິກກຸ່ມຜູ້ໄດ້ຮັບຜົນກະທົບຈາກເຊື້ອເຮສໄອວີ/ເອດ ແລະ ໂຄວິດ-19

APL+ ສຶບຕໍ່ຢ້ຽມຢາມສະມາຊິກກຸ່ມຜູ້ໄດ້ຮັບຜົນກະທົບຈາກເຊື້ອເຮສໄອວີ/ເອດ ແລະ ໂຄວິດ-19

ວັນທີ 9-10 ມີນາ ຄະນະຮັບຜິດຊອບ “ໂຄງການຕອບໂຕ້ການລະບາດຂອງພະຍາດໂຄວິດ-19” ນຳໂດຍ ທ່ານ ພັນທະມິດ ແສງປັນຍາ ຜູ້ອຳນວຍການສະມາຄົມເຄື່ອຂ່າຍຜູ້ຕິດເຊື້ອເຮສໄອວີ/ເອດ(ສຄອ) ສຶບຕໍ່ຢ້ຽມຢາມສະມາຊິກກຸ່ມຜູ້ໄດ້ຮັບຜົນກະທົບຈາກເຊື້ອເຮສໄອວີ ແລະ ໂຄວິດ-19 ພາຍໃນນະຄອນຫຼວງວຽງຈັນ. ເພື່ອບັນເທົາຄວາມຂາດເຂີນ ເພື່ອສະໜັບສະໜູນດ້ານໂພຊະນາການ ແລະ ເພື່ອກຳລັງໃຈທີ່ດີ.
 
ໜ້າຜິດຫວັງ ພວກເຮົາບໍ່ສາມາດສະແດງຄວາມໜ້າສົງສານ ແລະ ຄວາມເຫັນໃຈໄດ້ຢ່າງເລິກຊຶ້ງ ເຫມືອນທີ່ພວກເຮົາໄດ້ເດີນທາງໄປສຳພັດເອງ ໄດ້ຮູ້ຊຶ້ງເຖີງຄວາມຫຼັງດ້ວຍນ້ຳສຽງບອກເລົ່າທີ່ໜ້າສົງສານ ແລະ ສະຖານະພາບຂອງຜູ້ທີ່ໄດ້ຮັບຜົນກະທົບ ບາງກໍລະນີ້ ຕ້ອງກຳພ້າພໍ່-ແມ່ ບາງກໍລະນີ້ ຕິດເຊື້ອມາຕັ້ງແຕ່ເກີດໃນສະພາບຄອບຄົວທີ່ບໍ່ເອື້ອອຳນວຍ ແລະ ຫ່າງໄກສະຖານທີ່ສາທາລະນະສຸກ.
ອກຈາກນັ້ນ,ໃນໄລຍະ 2 ປີທີ່ຜ່ານມາ ການແຜ່ລະບາດຂອງພະຍາດໂຄວິດ-19 ໄດ້ສົ່ງຜົນກະທົບຕໍ່ລະບົບເສດຖະກິດທັງໝົດໃນ ສປປ.ລາວ ແລະ ທົ່ວໂລກ ເຮັດໃຫ້ລະບົບຕ່ອງໂສ້ຂອງການສະໜອງຢຸດສະງັກລົງ ຄວາມຕ້ອງການທາງດ້ານຜະລິດຕະພັນ ການບໍລິການຫຼຸດລົງ ຫຼາຍບໍລິສັດຕ້ອງປິດການດຳເນີນທຸລະກິດ ຕາມຄຳສັ່ງຂອງລັດຖະບານ.
 
 ດັ່ງນັ້ນ,ສະມາຄົມເຄື່ອຂ່າຍຜູ້ຕິດເຊື້ອເຮສໄອວີ/ເອດ ພາຍໃຕ້ໂຄງການດັ່ງກ່າວ ໄດ້ດຳເນີນກິດຈະກຳ ເພື່ອຊ່ວຍເຫຼືອເພື່ອນມະນຸດນຳກັນ ພວກເຮົາ ມອບເຂົ້າສານ ອາຫານແຫ້ງ ແລະ ເຄື່ອງມືປ້ອງກັນໂຄວິດ ມີ ຜ້າປິດປາກ ເຈລລ້າງມື ຈຳນວນໜຶ່ງໃຫ້ກັບກຸ່ມຜູ້ໄດ້ຮັບຜົນກະທົບ.