ເຊີນທຸຸກທ່ານຮ່ວມງານ ວັນຖົງຍາງອະນາໄມສາກົນ ປະຈຳປີ 2022

by | ກ.ພ. 17, 2022 | BLOG, ກິດຈະກຳ/ACTIVITIES | 0 comments

ຂໍເຊີນທຸຸກທ່ານຮ່ວມງານ ວັນຖົງຍາງອະນາໄມສາກົນ (International Condom Day ) ທີ່ ສູນກາງສະຫະພັນກຳມະບານລາວ ບ້ານນາແຄ ເມືອງໄຊທານີ ນະຄອນຫຼວງວຽງຈັນ ໃນວັນທີ 14 ກຸມພາ 2022 ຕັ້ງແຕ່ເວລາ 13 ໂມງເປັນຕົ້ນໄປ.

ວັນຖົງຍາງອະນາໄມ ສ້າງຂື້ນໂດຍ ມູນນິທິຊ່ວຍເຫຼືອ ແລະ ດູແລຜູ້ຕິດເຊື້ອ (AHF) ແລະ ໄດ້ສະເຫຼີມສະຫຼອງທຸກໆປີຂອງວັນທີ່ 13 ກຸມພາ (ຫນື່ງມື້ກ່ອນວັນວາເລນໄທນ໌) ເພື່ອເປັນແນວທາງໃຫມ່ ແລະ ມ່ວນຊື່ນ ເພື່ອເຕືອນຄົນວ່າການໃສ່ຖຸງຍາງອະນາໄມສາມາດປ້ອງກັນການມີລູກ ແລະ ພະຍາດຕິດຕໍ່ທາງເພດສຳພັນ ເຊີ່ງລວມເຖີງເຊື້ອເຮສໄອວີ/ເອດ.

ໃນມື້ງານທີ່ມີຄວາມໝາຍສຳຄັນນີ້ ຈະມີກິດຈະກຳດີໆຫຼວງຫຼາຍ ເຊັ່ນວ່າ ບໍລິການກວດເລືອດແບບສະໝັກໃຈ ຈາກແພດໝໍໂຮງໝໍເມືອງໄຊທານີ,ພະເເນກສາທາລະນະສຸກ ແລະ ອາສາ ນະຄອນຫຼວງວຽງຈັນ,ຮ່ວມຟັງການໃຫ້ຄວາມຮູ້ ກ່ຽວກັບເຮສໄອວີ/ເອດ ແລະ ພະຍາດຕິດຕໍ່ທາງເພດສຳພັນ, ການສາທິດການໃຊ້ຖົງຍາງອະນາໄມ.

ແລະ ນອກຈາກນັ້ນ ຜູ້ເຂົ້າຮ່ວມງານທຸກທ່ານ ສາມາດຮ່ວມກິດຈະກຳຖາມ-ຕອບ ເພື່ອຮັບຂອງລາງວັນ ມີ ຖົງຍາງອະນາໄມ ເສື້ອ ໝວກ ແລະ ອື່ນໆມາແຈກທຸຸກທ່ານ. ສຳຫຼັບຜູ້ທີ່ຢູ່ຫ່າງໄກ ຫຼື ບໍ່ສາມາດມາຮ່ວມງານ ສາມາດຕິດຕາມຫຼິ້ນກິດຈະກຳກັບພວກເຮົາໄດ້ ທາງ Faceook Live.. ແລ້ວພົບກັນເດີ້ ວັນທີ 14 ກຸມພາ 2022.

See more posts…