APL+ ຈັດຝຶກອົບຮົມການສື່ສານຜ່ານ Online Platform ແລະ Index Testing ໃຫ້ອາສາສະມັກ

by | ພ.ພ. 20, 2022 | News, REPORT | 0 comments

ສະມາຄົມເຄືອຂ່າຍຜູ້ຕິດເຊື້ອເຮສໄອວີ/ເອດ (APL+) ຮ່ວມກັບ ສູນຕ້ານເອດ ແລະ ພະຍາດຕິດຕໍ່ທາງເພດສຳພັນ (ພຕພ) ເລີ່ມປະຕິບັດໂຄງການຮ່ວມມືເພື່ອການປັບປຸງວຽກງານຕ້ານ ແລະ ສະກັດກັ້ນ ເຊື້ອເຮສໄອວີ/ເອດ ແລະ ພຕພ ຢູ່ສປປລາວ.ໂດຍການຈັດກອງປະຊຸມຝຶກອົບຮົມ ການສ້າງທັກສະຄວາມສາມາດດ້ານການສື່ສານຜ່ານ Online Platform ແລະ Index Testing ໃຫ້ອາສາສະໝັັກ ແລະ ທ່ານໝໍປະຈຳສູນ ART ຢູ່ແຂວງຄຳມ່ວນ.
ຊຶ່ງໃນກອງປະຊຸມຝຶກອົບຮົບໄດ້ຮັບກຽດເປັນປະທານເປີດຂອງທ່ານ ດຣ.ບົວທອງ ສີມະໂນວົງ ຮອງຫົວໜ້າສູນຕ້ານເອດ ແລະ ພຕພ ພ້ອມດ້ວຍ ທ່ານ ກໍລະກັນ ທິບພະວົງ ປະທານ ສະມາຄົມເຄືອຂ່າຍຜູ້ຕິດເຊື້ອເຮສໄອວີ/ເອດ ຄະນະຈາກສູນຕ້ານເອດ ແພດໝໍ ແລະ ອາສາສະໝັກ ທັງໝົດ 11 ຄົນ ຍິງ 7 ຄົນເຂົ້າຮ່ວມ.
ການຈັດຝຶກອົບຮົມໃນຄັ້ງນີ້ເພື່ອແນ່ໃສ່ເສີມສ້າງທັກສະໃຫ້ອາສາສະໝັກໃນຊຸມຊົນ ແລະ ທ່ານໝໍ ໃນການຕິດຕາມຄູ່ຮ່ວມນອນຂອງຜູ້ຕິດເຊື້ອ (Index Testing) ເພື່ອສ້າງຂີດຄວາມສາມາດໃນການຕິດຕາມ ແລະ ການຊອກຫາກຸ່ມຜູ້ຕິດເຊື້ອເພື່ອໃຫ້ໄດ້ຮັບການກວດເລືອດ ສາມາດນຳເຂົາເຈົ້າເຂົ້າມາໃນລະບົບການປິ່ນປົວໄດ້ແຕ່ຫົວທີ ແລະ ເພື່ອປະສິດທິພາບການເຮັດວຽກຂອງອາສາສະໝັກໃນຊຸມຊົນ ທັງນີ້ກໍເພື່ອຊ່ວຍຫຼຸດຜ່ອນໜ້າວຽກຂອງທ່ານໝໍ ໃຫ້ກຸ່ມຜູ້ຕິດເຊື້ອໄດ້ຮັບການບໍລິການຢ່າງທົ່ວເຖິງ ແລະ ມີຊີວິດການເປັນຢູ່ທີ່ດີຂື້ນ.
ເນື້ອໃນການຝຶກອົບຮົມໃນຄັ້ງນີ້ ປະກອບດ້ວຍ ການບໍລິການຊວນຄູ່ຂອງຜູ້ຕິດເຊື້ອ ມາຮັບການກວດຫາເຊື້ອເຮສໄອວີ, ການຈັດຕັ້ງປະຕິບັັດຂອງ Index Testing, ຂັ້ນຕອນ ແລະ ວິທີການຕ່າງໆໃນການຕິດຕາມຄູ່ຮ່ວມນອນຂອງຜູ້ຕິດເຊື້ອ, ແບບຟອມການຂຽນ ແລະ ການປ້ອນຂໍ້ມູນເຂົ້າສູ່ລະບົບ, ຄໍາແນະນໍາ ແລະ ຍຸດທະສາດການຕິດຕາມຊຸກຍູ້ ພ້ອມດ່ຽວກັນນັ້ນ ຜູ້ເຂົ້າຮ່ວມກໍໄດ້ສະແດງຄວາມຄິດເຫັນ ແລະ ສົນທະນາແລກປ່ຽນຮ່ວມກັນ.

See more posts…